Beth yw Wythnos Senedd y DU?
Mae Wythnos Senedd y DU (UKPW) yn ddathliad o bŵer pobl. Byddwch yn derbyn pecyn sy’n eich helpu i ddysgu am eich Senedd y DU, gweithredu a chael effaith ar y materion sydd o bwys i chi.
Y llynedd cymerodd bron i filiwn o bobl ran ym mhob cenedl a rhanbarth y DU, a gwledydd ledled y byd.
Beth yw’r manteision i chi?
Llynedd cymerodd dros 1.2 miliwn o bobl ran yn Wythnos Senedd y DU, ym mhob cenedl a rhanbarth o’r DU, a gwledydd ledled y byd.
Boed hyn yn dro cyntaf i chi neu eich bod yn ailgofrestru, wrth gymryd rhan byddwch chi’n ymuno â sgwrs ledled y DU am ein democratiaeth, grym y bobl a chreu newid.
Beth mae hyn yn ei olygu i mi?
Pan fyddwch yn cofrestru, byddwn yn anfon pecyn am ddim atoch sy’n llawn nwyddau, gan gynnwys llyfryn gweithgareddau, blwch pleidleisio, ychydig o hadau i’w plannu a mwy!
Gallwch ddewis o’r opsiynau yn y llyfryn i deilwra eich gweithgaredd Wythnos Senedd y DU i fod yn addas ar gyfer pa amser bynnag sydd ar gael i chi a pha grwpiau oedran rydych yn gweithio gyda nhw.
Cynlluniwch o flaen llaw neu agorwch eich pecyn ac i ffwrdd â chi! Mae cymryd rhan mor hawdd â hynny!
Bydd COVID-19 yn effeithio ar Wythnos Senedd y DU?
Gallai cymryd rhan deimlo ychydig yn wahanol os bydd cyfyngiadau, ond gallwch gymryd rhan lle bynnag y byddwch. Mae eich llyfryn yn cynnwys syniadau da ynghylch addasu gweithgareddau fel y gallwch gymryd rhan ar-lein, gartref neu mewn grwpiau bach.
Angen ysbrydoliaeth?
Gyda dros 8,000 o weithgareddau y llynedd, dathlwyd Wythnos Senedd y DU mewn pob math o ffyrdd. Dyma ychydig o syniadau i chi gychwyn arni:
- sesiynau holi ac ateb, cwisiau a dadleuon bywiog ar-lein
- creu deisebau ac ymgyrchu ar gyfer newid
- creu fideos a phostio ar-lein
- materion dadlau a chynnal pleidleisiau
- gwasanaethau â thema ac etholiadau cyngor ysgol
- pobi, crefftau a lliwio
- rhith-sgyrsiau ag ASau, Aelodau Tŷ’r Arglwyddi, cynghorwyr lleol neu feiri, ACau, Aelodau o’r Cynulliad Deddfwriaethol (MLAs) ac Aelodau o Senedd yr Alban (MSPs)
Os byddwch yn dymuno ymchwilio ymhellach neu gychwyn arni cyn i’ch pecyn gyrraedd, edrychwch ar ein hadnoddau ar-lein.
Ymunwch â’r sgwrs!
Byddem wrth ein bodd i weld eich ffotograffau a chlywed am eich gweithgareddau. Ymunwch â’r sgwrs gan ddefnyddio ein hashnod #UKPW a dilynwch @YourUKParl i dderbyn y diweddariadau diweddaraf.
Rhagor o wybodaeth
Darllenwch ein hadrannau Cwestiynau Cyffredin i gael gwybodaeth ychwanegol.
